Karaj librovermoj, kiun retejon por spurado de legado de libroj vi povas rekomendi? Per “spurado de legado” mi celas, ke mi povas indiki, ke mi komencis legi iun libron kaj poste, ke mi finis ĝin; aŭ havi librojn en listoj legota / legata / legita. Ideale ankaŭ povi verki recenzon. Tiu retejo devus havi datumbazon de libroj, por ke mi ne devu ĉiam skribi multon pri la libro, kaj ankaŭ por ke povu klari ke 2 uzantoj legis la saman libron.

Ankaŭ, mia forta persona prefero estas por retejo, kiu funkcias per libera programaro.

Mi dume trovis precipe:

  • BookWyrm
  • Open Library
  • Inventaire.io

BookWyrm ŝajnas sufiĉe bona (kaj federaciiĝas en fediverso, kio aldonas socian flankon :), sed por ke libro estu disponebla en ĝia datumbazo, uzantoj (laŭ tio, kion mi legis) bezonas aldoni ĉiujn libron al ĉiuj instancoj unuope (federaciiĝas nur interagon, sed ne la bibliotekaj objektoj…). Tio povas esti sufiĉe facila, sed iom konsternas min…

Open Library ŝajnas havi pli grandan datumbazon de libroj (kiu ŝajne estas vaste uzata de aliaj servoj), sed pli limigitan funkciaron por efektive spuri legadon, kaj neniun socian flankon.

Inventaire.io ŝajnas esti bona por komunuma pruntado de fizikaj libroj, sed ne multo pli.

Iuj rekomendoj?